20090608024845_artikullKryetari i Levizjes Socialiste per Integrim, Ilir Meta, gjate nje interviste televizive te zhvilluar mbremjen e djeshme, sulmoi ashper kryetarin e Partise Socialiste, Edi Rama, por dhe tregoi arsyet se pse sipas tij ai s’mund te behet Kryeminister. “Edi Rama nuk ka nje profil te qarte politik, nuk ka nje bindje dhe nje program, behet ure kur ka nevoje. Kur mendon se ka dicka dore menjehere ben nje politike perjashtimit”, shpjegoi qendrimin ndaj kryesocialistit, Ilir Meta. Sipas tij, nuk eshte problem politik uljet dhe ngritjet me Edi Ramen, kjo nuk e pengon dhe s’e ka penguar. Por pavaresisht ketyre marredhenieve, ai sqaron se pas zgjedhjeve do te beje nje koalicionin me Partine Socialiste. “Nuk behesh dot kryeminister duke censuruar njeri. Kryeminister behesh me program”, komentoi kandidimin e Edi Rames per postin e kryeministrit, ish-aleati Meta. Por ai shprehu sigurine se pas zgjedhjeve e majta do te krijoje nje mazhorance te qendrueshme, pasi Edi Rama do te vazhdoje punen e tij ne Bashkine e Tiranes pas zgjedhjeve.

“Kandidimi per kryeminister eshte nje taktike kjo e perdorur nga kryesocialisti. Kryeministri nuk eshte i rendesishem se nga do te jete”, vleresoi lideri i LSI. Por, ai nenvizoi se me fitoren e zgjedhjeve nga e majta, qeveria do ta ndihmoje Edi Ramen te vazhdoje punen e tij ne Bashkine e Tiranes. Sipas tij, e gjithe perpjekja per te debatuar se kush do te jete kryeminister eshte sepse nuk ka nje program. “Une i ftoj qe te dy te mos fshihen pas kutise se televizorit, te na tregojne perballe se cfare do te ndodhe ne kater vitet e ardhshme”, iu drejtua Rames dhe Berishes, ish-kryeministri Meta. Ne lidhje me koalicionet pas zgjedhore, kryetari i LSI perjashtoi kategorish mundesine e nje koalicioni me Partine Demokratike pas zgjedhjeve te 28 qershorit.

Duke folur per krijimin e partise se tij, Meta tha se situata eshte shume e thjeshte, u perjashtua nga Partia Socialiste, kjo logjike vazhdon edhe sot e kesaj dite, edhe pas largimit te zotit Nano. “Filozofia e LSI eshte nje filozofi integruese, nuk perjashton njeri, nuk merret me biografine e te tjereve. Nuk mbaj inat une ne kete drejtim”, komentoi ish-kryeministri bashkimin e mbeshtetesve te zotit Nano me Levizjen Socialiste per Integrim. Sipas tij, kryesocialisti nuk duhet te perserise gabimin qe te sulmojme Nanon, Petro Kocin, Mejdanin, per te fituar ndaj Berishe, kjo filozofi ka deshtuar. “Iku Nano, mbaroi filozofia perjashtuese brenda Partise Socialiste, jo perkundrazi, u korrigjua ne 2007 se kishte interes zoti Rama qe te fitonte nje mandat tjeter si kryetar Bashkie”, shpjegoi Meta arsyen e bashkimit ne nje koalicion te perbashket, ne zgjedhjet vendore te dy viteve me pare.

Kryetari i LSI: Qendrimi im ndaj zoti Nano

Ish-kryeministri Ilir Meta, deklaroi dje se eshte koherent ne qendrimet e tij me zotin Nano. “Zoti Nano eshte nje faktor i rendesishem ne te majten shqiptare. Qendrimet se si ka qeverisur ai, i takojne asaj periudhe, por kjo s’do te thote qe une do te flas per Nanon si kater vite me pare, ai nuk eshte problemi i Shqiperise”, theksoi lideri i LSI. Ai rikujtoi se eshte shprehur qe cdo faktor, perfshire zotin Nano, te kontribuojne per fitoren e se majtes.