Remonti në disa linja të reja ka bërë që Operatori i Sistemit të Shpërndarjes të paralajmërojë kufizime të energjisë elektrike gjatë ditëve të ardhshme. Në një njoftim për shtyp OSSH bën të ditur se remontet do të prekin linjën Tiranë-Mëzes-Valias. Si pasojë do të mbesin pa energji qytetet Rrogozhinë, Prrenjas, Rubik dhe Rrëshen.

Nga i njëjti burim mësohet se riparimet, të cilat bëhen me qëllim përmirësimin e furnizimit me energji elektrike, do të kryhen nga data 2 deri në 6 gusht dhe ndërprerjet do të jenë nga ora 09:00 deri në orën 16:00.